Ene edukia / Mi contenido / My content

Social Nets: + 16.000 photos + 1000 videos + 24.800 tweets + 3500 pins

Muskuiluak garagardotan


Muskuiluak prestatzea azkarra den zerbait da. Muskuiluak ezer barik eta lurrin soilaz egin daitezke, seguraski dakizuen bezala. Egia esan ez da beharrezkoa ezer botatzea muskuluak jateko. Dena den, hona hemen errezeta bat nik erabiltzen dudana muskuiluak beste era batez jateko, osagai batzuk erabiliz. Muskuiluak garagardotan nola egiten diren erranen dizuet ondoren.

Osagaiak:
Kilo bat muskuilu
Bote bat garagardo
Limoi bat
Bi baratxuri
Hiru erramu hosto (laurel-a)
Kaiena bat
Gatz apur bat

Prestaketa:
Kazola zabala jarri sutan eta bertan bota garagardoa, limoia lau zatitan, bi baratxuriak erditik ebakita, hiru erramu hostoak, kaiena bat eta gatz apur bat. Segidan bota muskuiluak eta su bizian jarri oskolak zabaldu arte. Zabaldu egiten direnean, eginda daudelako seinale. Atera erretilu batera eta jan. Likidoa ere bota erretilura oso goxo geratzearren. Azkarki egiteko platerkada ederra hiru pertsonarentzat.




Share on Google Plus

Egilea: Gorka Jakobe Palazio

Gorka Jakobe Palazio EHUko irakaslea da, webgune garatzailea, Linux erabiltzailea, elearningaren arloan aditua; eta halaber, ikaslea beti.
    Blogger Comment
    Facebook Comment

0 comment(s):